Bakının Nəsimi rayonu ərazisində özünü polis əməkdaşı kimi təqdim edib dələduzluq edən şəxs saxlanılıb.

Həmin şəxsi 22-ci polis bölməsinin əməkdaşları daxil olan şikayət əsasında Lənkəran şəhərində saxlayıb.

Bu Lənkəran sakini 23 yaşlı Ruslan Əliyevdir. Polisin sözlərinə görə Ruslan parkda dincələn 15 yaşlı Mehman Kərimova yaxınlaşıb özünü polis əməkdaşı kimi təqdim edərək ondan mobil telefonunu alıb aradan çıxıb.

Polis tərəfindən dələduzluq etməkdə şübhəli bilinərək saxlanılıan Ruslan Əliyevin sözlərinə görə o, 15 yaşlı yeniyetməni qorxutmaq üçün özünü polis kimi təqdim edib.

Yeniyetmənin telefonunu alan Ruslan onu 28 may metro stansiyasının yaxınlıqında 50 manata satıb Lənkərana gedib. İndi 22-ci polis böməsinin təhqiqatçıları Ruslanın bu kimi dələduzluqlar edib etmədiyini araşdırır.