Valideynlər bu xəbəri mütləq oxusun!

Azərbaycanda uşaqların internet klublarından istifadəsi məhdudlaşdırılır
Şrift ölçüsü:

Gündəm 13:52 – 26.11.2013

Azərbaycanda uşaqların internet klublarında internetdən istifadəsi ilə bağlı bəzi məhdudiyyətlərin qoyulacağı, klubların fəaliyyətinə nəzarətin gücləndiriləcəyi gözlənilir.

Ailə, Qadın və Uşaq Problemləri üzrə Dövlət Komitəsindən verilən məlumata görə, təhsildən yayınma və uşaqlar arasında zorakılıq hallarının baş verməsinə əsaslı təsir göstərən amillərdən biri məhz uşaqların internetdən kortəbii istifadəsi hallarıdır. Bunu nəzərə alan Dövlət Komitəsi beynəlxalq, xüsusilə Türkiyə təcrübəsini ətraflı öyrənərək uşaqların internetdən təhlükəsiz istifadəsi məqsədilə təkliflər hazırlayıb. Təkliflər internet klublarının fəaliyyətinə nəzarətin gücləndirilməsi, uşaqların internetdən təhlükəsiz istifadəsi istiqamətində proqramların hazırlanmasını nəzərdə tutur.

Təkliflərdə qeyd edilib ki, yaşı 12-dən aşağı olan uşaqları internet klublarına valideyn gətirməlidir. Yaşı 14-dən yuxarı olan uşaqlar isə saat 20:00-dan sonra internet klublarına yalnız valideynlə birgə gələ bilərlər.

Təkliflərdə bildirilib ki, internet klublarında uşaqların qumar, fiziki zorakılıq və digər zərərli vərdişləri təbliğ edən oyunlardan istifadəsi, uşaqların dərs zamanı internet klublarına gəlməsi qadağan edilsin. İnternet klubunun müvafiq rəhbər işçisi tərəfindən xüsusi elektron cədvəl hazırlansın və cədvəldə internetdən istifadə edən uşaqların qeydiyyatı aparılsın. Bu cədvəl yoxlama zamanı müvafiq şəxslərə təqdim edilməsi üçün istifadə edilə bilər.

Təkliflərdə qeyd edilib ki, internet klublarında siqaretin çəkilməsi üçün ayrıca yer müəyyənləşdirilsin. Orada uşaqlar üçün xüsusi kompüterlər ayrılsın və onlarda filtrasiyalı proqramlar quraşdırılsın, internet klublarında kameralar yerləşdirilsin.

Komitədən bildirilib ki, hazırda çox az sayda provayder filtrasiyalı internetdən istifadə edir. İnternet klubları hüquqi şəxs kimi fəaliyyət göstərdiyi üçün Rabitə və İnformasiya Texnologiyaları Nazirliyi (RİTN) onlara nəzarət edə bilmir. Buna görə də nazirlik filtrasiyalı proqram hazırlaya və onu provayderlərə təklif edə bilər.

Komitə tərəfindən hazırlanan bu təkliflər artıq Rabitə və İnformasiya Texnologiyaları Nazirliyinə təqdim edilib. RİTN qanunvericiliyin təkmilləşdirilməsi məqsədilə yeni layihələr hazırlayan zaman bu təkliflərdən istifadə edə bilər.

Dövlət Komitəsindən o da əlavə edilib ki, internet klublarına nəzarət edilməsi ilə bağlı İnzibati Xətalar Məcəlləsinə də dəyişiklik edilməsi məqsədilə təklif hazırlanıb: "Uşaqların tərbiyəsinə internet klubları təsir edir. Düşünürük ki, İnzibati Xətalar Məcəlləsinə müəyyən dəyişiklik etməklə internet klublarının fəaliyyətinə hüquq-mühafizə orqanlarının nəzarət etməsini təmin etmək olar".

 

trend.az


310 dəfə oxunub


Digər xəbərlər


Prezident bu ASC-yə 10 milyon ayırdı
20:45 – 30.9.2016

Prezident İlham Əliyev "Ərzaq məhsullarının tədarükü və təchizatı" Açıq Səhmdar Cəmiyyətinin fəaliyyətinin təmin edilməsi ilə bağlı əlavə tədbirlər haqqında fərman imzalayıb.

Bu qurum Nazirliyin tabeliyindən çıxarıldı - Sərəncam
19:38 – 30.9.2016

Kənd Təsərrüfatı Nazirliyinin səlahiyyəti azaldıldı

Prezident ÇXR sədrini təbrik etdi
19:36 – 30.9.2016

Prezident İlham Əliyev Çin Xalq Respublikasının Sədri Si Cinpinə təbrik məktubu ünvanlayıb.

65 yaşdan sonra maşın sürmək qadağan edildi
19:22 – 30.9.2016

Parlamentin bu gün keçirilən plenar iclasında “Yol hərəkəti haqqında” qanuna dəyişiklik layihəsi müzakirəyə çıxarılıb.

ƏDV-dən azad edilən xidmətlərin siyahısı genişlənir
19:21 – 30.9.2016

Azərbaycanda əlavə dəyər vergisindən (ƏDV) azad edilən xidmətlərin siyahısı genişləndirilir.

"Poçt haqqında" qanuna dəyişiklik edildi
19:19 – 30.9.2016

“Poçt haqqında” qanunun 3.0.2-1 maddəsi ləğv edilib.

Bakı dünyanın 10 şəhəri arasında
16:54 – 30.9.2016

Bakı dünyanın turizmdə irəliləyişə nail olan ilk 10 şəhəri arasında göstərilib

XİN-dən Qarabağ açıqlaması
16:41 – 30.9.2016

Dağlıq Qarabağ münaqişəsinin həlli ilə əlaqədar yeni formula və ya düsturların kəşf edilməsinə ehtiyac yoxdur.

Taksi sürücülərinə şad xəbər: Lisenziya ləğv olunub
16:32 – 30.9.2016

Taksi fəaliyyəti üçün lisenziya alınması tələbi ləğv olunub.

Prezident yəhudi icmasını təbrik etdi
14:45 – 30.9.2016

Prezident İlham Əliyev Azərbaycanın yəhudi icmasını təbrik edib.







Xəbər Lenti

Ən çox oxunanlar


Müəllif güşəsi